blog

Əfsanəvi İstanbul

871
Səyahət üçün fikirlər

İstanbul öz gözəçarpan təbii gözəlliyi, tarixi abidələri və bu iki meyyarı özündə mükəmməl şəkildə birləşdirə bilən çox əhəmiyyətli və məşhur metropolisdir. Qədim dünyanın tam ortasında yerləşir. Bu şəhər Boğaz ilə ayrılaraq eyni zamanda həm Avropa həm Asiyada yerləşir.

Bəlkə də dünyanın heç bir yerində tarixi və mədəni abidələrin təbiətlə bu qədər ahəngdar sintezini seyr edə bilməzsiz. Bu gözəl şəhərə gələn hər bir ziyarətçilərin xatirələrində heç vaxt silinməyəcək təəssüratlar qoyur.

Siz qısa bir zaman üçün İstanbula gəlsəniz belə, dəyərili vaxtınızı Ayasofya Muzeyi, Süleymaniyyə Məscidi, Sultan Ahmet məscidini, Roman Hipodromu, Sultan Topkapı Sarayını, dünya şöhrətli Qapalı Çfrşı kimi möhtəşəm yerlərə baş çəkməyi qabaqcadan planlaşdırin. Çünki oranın hər daşı belə tarixdir.

Klassik turlar ilə yanaşı, Boğaz boyunca gəmi turlar da mövcutdur. Bu turlar zamanı şəhərin Asiya və Avropa hissəsinin gözəl görünüşünə heyran ola bilərsiniz.

Şahzadə adalarına gedən bir gəmi səfəriniziə daha da rəngarənglik gətirəcək. İstanbul ətrafında gecə turları, şərq rəqsləri, milli nümayişləri də daxil olmaqla, sizə min bir gecənin nağıllarını xatırlayacaq.

İstanbul tarixinin bir çox sirləri və müəmmaları var. Bu tarixi yarımadanın yeddi təpəsində salınmış şəhər, inanılmaz strateji mövqedə malikdir. Üç tərəfdən dəniz suları ilə əhatə olunan şəhər, hücumlara qarşı mükəmməl müdafiyə olunurdu. Buxtanın ətrafında məhsuldar torpaqlar və meşələr şəhər əhalisini bütün lazımi məhsullarla təmin edirdi.

Bu gün İstanbul yalnız tarixi bir mərkəz deyil. Buraya turistlər istirahət etmək, alış-veriş üçün və sadəcə parlaq təəsüratlar tapmağa tələsirlər. Minlərlə dükan və köşklərin yerləşdiyi Qapalı Çarşı, İstanbulun ən böyük alış-veriş mərkəzidir. Burada, yüksək keyfiyyətli əl ilə toxunulmuş xalçalar, eksklüziv zərgərlik və əl istehsalı koleksiyalar, dəri məmulatları, keramika, suvenirlər və s. digər mallar tapa bilərsiz.